பதிவிறக்கவும்
அமைவிடம்
ஆண்டிப்பட்டியிலிருந்து வேலப்பர் கோவில் செல்லும் சாலையின் வலப்பக்கம் உள்ள விளைநிலத்தில்
அளவு
3.5 அடி உயரம், 2.5 அடி அகலம்
வழிபாடு
இல்லை
ஊர்
பிச்சம்பட்டி
மாவட்டம்
தேனி
நடுகல்
Memorial Stone
கல்வெட்டுகள்
இல்லை
காலம் / அரசன்
பொது ஆண்டு 16 -17ஆம் நூற்றாண்டைச் சேர்ந்ததாக இருக்கலாம் எனக் கருதப்படுகிறது
கூடுதல் விவரங்கள்
இந்நடுகல்லில் வீரன் ஒருவன் பீடத்தின் மேல், தன் ஒரு காலை மடக்கியும் மறு காலைக் கீழே தொங்கவிட்டபடியும் (சுகாசன அமர்வு) அமர்ந்துள்ளான். வீரனுடைய இரு மனைவியரும் அவனுடைய இருபுறமும் நின்றவாறு புடைப்புச் சிற்பமாகச் செதுக்கப்பட்டுள்ளனர். வீரனுடைய கையில் கட்டாரி எனப்படும் போர் ஆயுதம் காட்டப்பட்டிருக்கிறது. இடப்புறமுள்ள மனைவி வீரனுக்குக் குடைபிடிக்கிறார். வலப்புறமுள்ள மனைவி தன் கையில் விசிறி வைத்துள்ளார். கல்லின் மேற்பகுதி மண்டபத்தின் கூரைபோல் வடிவமைக்கப்பட்டுள்ளது. கூரையில் சூரியன், சந்திரன் ஆகியோரின் வடிவங்கள் செதுக்கப்பட்டுள்ளன. இச்சிற்பத்தின் வடிவமைப்பு, ஆடை, ஆபரணம், அணிகலன்கள் மற்றும் சிற்பக் கலை நுணுக்கங்களை வைத்துப் பார்கும்போது, இது நாயக்கர் காலத்தைச் சேர்ந்த சிற்பமாக இருக்கலாம் என்று கருதப்படுகிறது. மேலும் இச்சிற்பத்தில் காணப்படும் ஆண், ஏதேனும் வீரச்செயல் புரிந்து இறந்திருக்க வேண்டும். அதன் காரணமாக அவனின் இரு மனைவியரும் சதி என்னும் உடன்கட்டை ஏறித் தங்கள் உயிரை மாய்த்திருக்கலாம். இம்மூவரின் நினைவாக இந்த நடுகல் எடுக்கப்பட்டுள்ளது.
தகவல்
முனைவர் மாணிக்கராஜ்
புகைப்படங்கள்
ம.ரேவன்
ம.ரேவன்