பதிவிறக்கவும்
அமைவிடம்
இராணி சோலைதேவன் கோயிலில் இரண்டு நடுகற்கள் உள்ளன.
வழிபாடு
தை மாதத்தில் வரும் முக்கிய நாள்கள், சிவராத்திரி மற்றும் வம்சாவளிகளுக்கு ஏற்ற முக்கிய நாள்களிலும் நடுகல்லுக்கு வெள்ளாடை (கொசவம்) உடுத்தி, வாழைப்பழம், தேங்காய், சூடம், பத்தி போன்றவை படைத்து வழிபடுகின்றனர்.
கதை
இந்நடுகல் புடைப்பு சிற்பத்தை பற்றி ஒரு செவிவழிக் கதை இவ்வூர் மக்களால் சொல்லப்படுகிறது. விஜயநகர மன்னன் மதுரையின் ஆட்சியை பிடித்த போது, தமிழகத்தைக் கைப்பற்ற பல பகுதிகளில் நாயக்கர் படைவீரர்களை அமர்த்தினார் என்று சொல்லப்படுகிறது. இவர்கள் தொட்டிய நாயக்கர்கள் என்று அழைக்கப்பட்டனர். இவ்வாறு அமர்த்தப்பட்ட நாயக்க குடிகள் தனக்கென்று கிராமங்களை உருவாக்கினராம். உச்சப்பட்டி அருகிலும் திடியன் மலையைச் சுற்றியும் ஒன்பது புதிய கிராமங்களை உருவாக்கினர். இதைப் பார்த்த அப்பகுதி பூர்வீக குடிமக்களான கழுவத்தேவன், நாகத்தேவன், சின்னக்கண்ணன் மற்றும் அலங்காரம் ஆகியோர் இணைந்து தொட்டிய நாயக்கர்கள் உருவாக்கிய கிராமங்களை தீவைத்து சூரையாடினர்.
ஒருநாள் இரவு முழுவதும் நடைபெற்ற கலவரத்தில் ஒருவர் உயிரிழந்தார் மற்றும் நாயக்கப்படைகள் ஊரை விட்டு ஓடி விட்டனர் என்று சொல்லப்படுகிறது. அப்போது அவ்வூரில் இருந்த ஒரு சிறுமியை இவர்கள் தாக்காமல் சென்று விட்டனர். கலவரம் முடிந்தவுடன் ஊருக்கு திரும்ப வந்த நாயக்க மக்கள் மற்றும் படைகள் அச்சிறுமி இறந்து கிடப்பதைக் கண்டு அதிர்ச்சியுற்று நாயக்க மன்னனிடம் தெரியப்படுத்தினர். நாயக்க மன்னர் சிறுமியைத் தாக்கியவர்களை கொன்றுவிடுமாறு ஆணையிட்டார்.
நாயக்க வீரர்கள், மலையடிவாரத்தில் உறங்கிக் கொண்டிருந்த கழுவன் மற்றும் நாகன் ஆகிய இருவரையும் பிடித்து அவர்களை யானை காலால் மிதிக்க வைத்து கொன்றனர். இவர்கள் இருவரும் இறந்ததை அறிந்த சின்னக்கண்ணனும் தன் உயிரை மாய்த்துக் கொண்டான். இறந்து போன கழுவன் மற்றும் நாகனுக்காக இந்நடுகல் எடுக்கப்பட்டு உள்ளது.
ஊர்
உச்சப்பட்டி
மாவட்டம்
மதுரை
அருண் பேக்காமன்