Tamil Virtual Academy Logo
பண்பாட்டு மின் நிலவரை
Digital Cultural Atlas of Tamil Nadu
திரைப்படிப்பி
Eng தமிழ்
Tamil Virtual Academy Logo

தமிழ்நாடு பண்பாட்டு மின் நிலவரை

தமிழ் இணையக் கல்விக்கழகம்

TamilNadu Logo
Left Arrow

வழிவிடு முருகன் கோயில்

Vazhividu Murugan Temple

வழிவிடு முருகன் கோயில்
பிற தெய்வத்தின் பெயர்கள்

விநாயகர்

அமைவிடம்

களத்தூர் அருகில் உள்ளது.

தலத்தின் சிறப்பு

பயணியர் வழிவிடு முருகனை வணங்கிவிட்டு, எலுமிச்சை பழத்தைக் கொண்டு வாகனத்தின் சக்கரங்களின் அடியில் வைத்து மிதித்துச் செல்லும்போது பயணம் பாதுகாப்பாக அமையும் என்ற நம்பிக்கையுள்ளது.

ஊர்

நத்தம்பட்டி

மாவட்டம்

விருதுநகர்

மூலவர் பெயர்
முருகன்
திருவிழாக்கள் விவரங்கள்
முருகனுக்கு உகந்த நாட்களில் சிறப்பு பூசைகள் நடைபெறும்.
வழிபாட்டுச் சடங்குகள் / முறைகள்
தேங்காய், பழம், பூ, எலுமிச்சம்பழம் ஆகியன வைத்து வழிபாடு நடைபெறும்.
சிற்பங்கள்
முருகன் மூலவராக நின்ற நிலையில் காணப்படுகிறார்.
கோயில் அமைப்பு
இச்சிறு கோயிலின் பின்பகுதியில் ஒரு மண்டபம் உள்ளது. கருவறையின் மேல், ஓர் அடுக்கு விமானம் காணப்படுகிறது.
சுருக்கம்
இக்கோயிலில் மூலவரான ’வழிவிடு முருகன்’ சந்நிதிக்கு அருகில் “எடுத்தாட வலிய பிள்ளையார் ' என்ற பிள்ளையார் சந்நிதியும் உள்ளது. நாயக்க மன்னர்கள் ஆட்சிக் காலத்தில், மதுரையில் இருந்து திருவில்லிப்புத்தூர் வரை, குறிப்பாகக் கிருஷ்ணன் கோயில் வட்டாரப் பகுதியில், நிறையக் கல் மண்டபங்கள் அமைந்துள்ளன. இப்படியாகக் கட்டப்பட்ட இந்த மண்டபம் சிலகாலம் புறக்கணிக்கப்பட்ட நிலையில் இருந்துள்ளது. பின்பு புது மண்டபமாகப் புதுப்பிக்கப்பட்டு, இவ்விடத்திலேயே வழிவிடு முருகனுக்குக் கோயில் அமைக்கப்பட்டுள்ளது
காலம்/ ஆட்சியர்
சுமார் 150 ஆண்டுகள் பழைமையான கோவிலாகக் கருதப்படுகிறது.
தல வரலாறு / கதைகள்
மதுரையிலிருந்து குற்றாலம் வரை செல்லக்கூடிய பாதை முற்காலத்தில், குறிப்பாகப் பாண்டியர் மற்றும் மதுரை நாயக்கர்கள் ஆட்சியின் போதும், வணிகப் பாதையாக இருந்திருக்கலாம். ஏனெனில் இவ்வழிநெடுகிலும் தங்குவதற்கான சத்திரங்களும், கல் மண்டபங்களும், நகரா மண்டபங்களும் காணப்படுகின்றன. பல காலங்களாகவே இப்பகுதியில் வாகனத்தில் செல்லும் போது மக்கள் பாதுகாப்பான பயணம் மேற்கொள்ள வேண்டும் என்ற நோக்கில் ’வழிவிடு முருகனை’ வணங்கிவிட்டு எலுமிச்சம்பழத்தைக் கொண்டு வாகனத்தின் சக்கரங்களில் வைத்துச் செல்லும்போது பயணம் பாதுகாப்பாக அமையும் என்ற நம்பிக்கை கொண்டுள்ளனர்.
தகவல்

முனைவர் கந்தசாமி

அருகிலுள்ள வரலாற்றுச் சின்னங்கள்
மூவரை வென்றான் குடைவரைக் கோயில்
செல்லும் வழி
திருவில்லிப்புத்தூரிலிருந்து மதுரைக்குச் செல்லும் வழி உள்ளது.
அருகிலுள்ள பேருந்து நிலையம்
திருவில்லிப்புத்தூர்
அருகிலுள்ள தொடர்வண்டி நிலையம்
திருவில்லிப்புத்தூர்
அருகிலுள்ள விமான நிலையம்
மதுரை
தங்கும் வசதி
திருவில்லிப்புத்தூர்
புகைப்படங்கள்
வழிவிடு முருகன் கோயில்

முனைவர் போ.கந்தசாமி

வழிவிடு முருகன் கோயில்

முனைவர் போ.கந்தசாமி

கோயில் கருவறை

முனைவர் போ.கந்தசாமி